შესაძლოა, უძრავ ქონებაში ინვესტირება თქვენთვის ახალი კონცეფცია იყოს. თუ ასეა, უნდა იცოდეთ, რომ ეს არის სექტორი, რომლის შესწავლაც ნამდვილად ღირს.
- მოკლევადიანი გაქირავება
კოვიდ-19-ის პანდემიამ მრავალი ადამიანის მოგზაურობის სტილი შეცვალა. ბოლო რამდენიმე წლის განმავლობაში მოკლევადიანი გაქირავების პოპულარობა გაიზარდა, რადგან მოგზაურები სივრცესა და განმარტოებას უფრო ანიჭებენ უპირატესობას, ვიდრე სასტუმროებს.
ეს გაძლევთ საუკეთესო შესაძლებლობას, რომ როგორც უძრავი ქონების ინვესტორმა, ფული გამოიმუშაოთ. თუ შეძლებთ, რომ ხელმისაწვდომ ფასად დასასვენებლად გასაქირავებელი სახლი იპოვოთ, სოლიდურ შემოსავალს მიიღებთ.
- ყიდვა-გაყიდვა
შესაძლოა, ეს სარისკო საქმე იყოს, თუ ამ ბიზნესში ბრმად შედიხართ და არ იცით რას აკეთებთ, მაგრამ თუ სახლს კარგ ფასად იყიდით და ხელმისაწვდომ ფასად გაარემონტებთ, შესანიშნავი შემოსავლის მიღებას შეძლებთ.
ასევე მნიშვნელოვანია ის ფაქტორი, რომ ამ შემთხვევაში ფულს მოკლევადიან პერსპექტივაში აბანდებთ და მეტი მოქნილობა გაქვთ, რაც საშუალებას გაძლევთ, რომ სხვადასხვა საინვესტიციო შესაძლებლობებზე სწრაფად გადაერთოთ.
- საინვესტიციო პორტფელში REIT-ის დამატება
ფიზიკური ქონების ფლობა უძრავი ქონებით ფულის გამომუშავების ერთადერთი გზა არ არის. კიდევ ერთი საინტერესო ვარიანტი არსებობს – უძრავი ქონების საინვესტიციო ტრასტში (REIT) ინვესტირება.
REIT-ების ფლობის ერთ-ერთი უდიდესი სარგებელი დივიდენდური სარგებლის მიღებაა, რადგან მათ თავიანთი დასაბეგრი მოგების 90%-ის დივიდენდების სახით გაზიარება მოეთხოვებათ. ეს ის ფულია, რომლის რეინვესტირებასაც შეძლებთ და, დროთა განმავლობაში, კიდევ უფრო მეტ სიმდიდრეს დააგროვებთ.
REIT-ის შერჩევისას, რა თქმა უნდა, კვლევის ჩატარებაა საჭირო. მაქსიმალური მოგების მისაღებად შეარჩიეთ ისეთი უძრავი ქონების საინვესტიციო ტრასტი, რომელსაც მყარი ზრდის პოტენციალი გააჩნია. შესაძლოა, ისეთ ბიზნესებზე ფოკუსირდეთ, რომლებიც ინდუსტრიულ სივრცეში ოპერირებენ, რადგან ეს სექტორი ყვავის და მომავალში ზრდის დიდი პოტენციალი გააჩნია.
უძრავი ქონების სექტორი, იქნება ეს სახლების ფლობა, ყიდვა-გაყიდვა, თუ REIT-ში ინვესტირება, შემოსავლის მიღების დიდ შესაძლებლობას გაძლევთ.
