მზარდი ინფლაციის პერიოდში ფულის სწორად განკარგვა ძალიან მნიშვნელოვანია, რადგან, გარდა იმისა, რომ პროდუქციის ფასები და, შესაბამისად, თქვენი ხარჯებიც იზრდება, დროთა განმავლობაში თქვენს ხელთ არსებულ ფულს ღირებულება ეკარგება და აუცილებელია, რომ ინფლაციის დაძლევის მეთოდებს მიმართოთ. ამ სტატიაში მოცემულია 2 შეცდომა, რომლის დაშვება მაღალი ინფლაციის დროს თავიდან უნდა აიცილოთ.
- ჭარბი ნაღდი ფულის შენახვა
ინფლაციის დროს თქვენი ფულის ღირებულება რეალურად მცირდება. გარდა იმისა, რომ საბანკო ანგარიშზე ფულის შეტანით მხოლოდ ძალიან მცირე პროცენტის მიღება შეგიძლიათ, თქვენი ფულის დიდი ნაწილის ნაღდი ფულის სახით შენახვა ნიშნავს, რომ ის რეალურად მცირდება. თქვენს საგანგებო შემნახველ ანგარიშზე სამიდან ექვს თვემდე პერიოდისთვის საკმარისი ფულადი სახსრები უნდა შეინახოთ, მაგრამ ჭარბმა ნაღდმა ფულმა, შესაძლოა, ინფლაციის დროს ფულის უაზროდ დაკარგვა გამოიწვიოს.
ინფლაციის ეფექტის შესამცირებლად, ერთ-ერთი საუკეთესო გზა აქციებში ინვესტირებაა. შესაძლოა, აქციები არასტაბილური იყოს, მაგრამ S&P 500 გრძელვადიან პერსპექტივაში ინფლაციის დონეს აჭარბებს. ბაზრის მდგომარეობის მიუხედავად რეგულარული შენატანების განხორციელება თქვენი ფინანსური მიზნების მიღწევაში დაგეხმარებათ.
- ზედმეტი ფულის ხარჯვა
როდესაც ფასები იზრდება, თავისთავად, თქვენს ხელთ არსებული ფულით სულ უფრო ცოტა რამის შეძენა შეგიძლიათ. ზოგიერთი პროდუქტი უფრო იზრდება, ვიდრე სხვა, ამიტომ ეცადეთ ფული მხოლოდ იმაში დახარჯოთ, რაც აუცილებლად გჭირდებათ.
როდესაც პირველადი მოხმარების საქონელი ძვირდება, უნდა ეცადოთ, რომ ხარჯების დაბალი დონე შეინარჩუნოთ. რაიმეს ყიდვამდე კარგად დაფიქრდით, უსარგებლო ნივთებზე ფულს ნუ დახარჯავთ, გარეთ ნაკლებად ხშირად იკვებეთ და საწვავის დაზოგვის გზები გამონახეთ. თქვენი საკრედიტო ბარათის გამოყენებასაც სიფრთხილით მოეკიდეთ, რადგან ასეთ პერიოდებში, ვალის გაზრდის ნაცვლად, პირიქით, მაღალპროცენტიანი დავალიანებების დაფარვაზე უნდა კონცენტრირდეთ. ამ მიდგომის გამოყენება მაღალი ფასების კომპენსირებაში დაგეხმარებათ. გახსოვდეთ, რომ სანამ ფასები ნორმალურ დონეს დაუბრუნდება, თქვენი ფული ნაკლებად ღირებულია. მეტის დაზოგვა დაგეხმარებათ, რომ უფრო მომზადებული იყოთ იმ შემთხვევისთვის, თუ ინფლაციის მაღალი დონე შენარჩუნდება.
