იმ ფულის ინვესტირება, რომელიც ახლო მომავალში არ დაგჭირდებათ, შესაძლოა, სიმდიდრის დაგროვების შესანიშნავი საშუალება იყოს, თუმცა აუცილებელია ამ სტატიაში მოცემულ ხაფანგებს თავი აარიდოთ, რათა წარმატების მიღწევა შეძლოთ.
- ბაზრის მოძრაობის გამოცნობის მცდელობა
თუ გარკვეული აქციების ფასის ყველაზე დაბალ წერტილში ჯადოსნურად მოპოვებას ახერხებთ, შეიძლება, მათი გაზრდილ ფასად გაყიდვით უზარმაზარი მოგება მიიღოთ. მიუხედავად იმისა, რომ ეს მარტივად ჟღერს, ამ სტრატეგიის პრაქტიკაში განხორციელება საკმაოდ რთულია.
თუ მოცემული აქციის ფასის დაცემას ელოდებით, შესაძლოა, მისი კარგ ფასად ყიდვის შესაძლებლობა ხელიდან გაუშვათ (თუნდაც ეს საუკეთესო ფასი არ იყოს). ამიტომ, უკეთესი მიდგომაა, ფინანსური ბაზრის გათვალისწინების გარეშე, ტოლი მოცულობის შენატანების პერიოდული განხორციელება,.
თუ ამ სტრატეგიას მიჰყვებით, სავარაუდოდ, აღმოჩნდებით ისეთ სიტუაციაში, როდესაც მოცემული აქციების შესაძენად ხან მეტს იხდით, ხან – ნაკლებს. მაგრამ, დროთა განმავლობაში, თქვენ ალბათ თითო აქციაზე საშუალოდ უფრო დაბალ საფასურს გადაიხდით, ვიდრე ბაზრის მოძრაობის გამოცნობის მცდელობის შემთხვევაში.
- საინვესტიციო პორტფელის დივერსიფიკაციის იგნორირება
შესაძლოა არსებობდეს ბაზრის გარკვეული სექტორი, რომლის შესახებაც ბევრი რამ იცით, მაგალითად, ტექნოლოგიური აქციები და, შეიძლება, ამ კონკრეტულ სექტორზე დიდ იმედებს ამყარებდეთ. თუმცა, რაც არ უნდა მაცდური იყოს თქვენი საინვესტიციო პორტფელის ერთი სექტორის აქციებით დატვირთვა, ეს, შეიძლება, სიმდიდრის ზრდის შესაძლებლობის შეზღუდვასა და საფონდო ბირჟის ცვალებადობის პერიოდში დიდი ზარალის განცდას ნიშნავდეს.
უკეთესი არჩევანია თქვენი ინვესტიციების სხვადასხვა სექტორებზე გადანაწილება. თუ ამ სამუშაოს შესრულება თავად არ გსურთ, შეგიძლიათ ინვესტიცია ფართო ბაზრის ETF-ში ჩადოთ. ETF-ები ინვესტირების პროცესს კვლევისა და გამოცნობის სამუშაოსგან ათავისუფლებს და სტრესის გარეშე დივერსიფიცირების მარტივ გზას წარმოადგენს.
- ინვესტირება იმ ბიზნესში, რომელშიც ვერ ერკვევით
თუ არ გესმით როგორ მუშაობს ბიზნესი, მასში ინვესტირება საზრიანი გადაწყვეტილება არ არის. როგორც წესი, ინვესტიცია უნდა ჩადოთ ისეთ კომპანიებში, რომელთა საქმიანობაშიც ერკვევით. ეს მხოლოდ ინდივიდუალურ ბიზნესებს არ ეხება. თავი უნდა აარიდოთ იმ ფართო საინვესტიციო შესაძლებლობასაც, რომელთა არსიც არ გესმით. ამის ნაცვლად, უნდა აირჩიოთ ინვესტიცია, რომლის რისკებსა და უპირატესობებს უკეთ გაუმკლავდებით.
ინვესტირება სასარგებლოა და სიმდიდრის დაგროვებაში დაგეხმარებათ, მაგრამ სიფრთხილე გმართებთ. ამ სტატიაში განხილულმა შეცდომებმა, შესაძლოა, სწორი კურსიდან გადაგახვევინოთ, ამიტომ მათ დაშვებას ნებისმიერ ფასად მოერიდეთ.
